Ave Maria, secretly.
V. CONVERTE † nos, Deus, salutáris noster.
R. Et avérte iram tuam a nobis.
V. Deus, † in adjutórium meum inténde.
R. Dómine, ad adjuvándum me festína.
V. Glória Patri, et Fílio, et Spirítui Sancto.
R. Sicut erat in princípio, et nunc, et semper, et in sæcula sæculórum. Alleluia.
Psalm 128. Sæpe expugnaverunt me
Confidence in God; the persecutors of the Church come to nothing.
Sæpe expugnaverunt me a juventute mea, * dicat nunc Israel:
2 Sæpe expugnaverunt me a juventute mea: * etenim non potuerunt mihi.
3 Supra dorsum meum fabricaverunt peccatores: * prolongaverunt iniquitatem suam.
4 Dominus justus concidit cervices peccatorum: * confundantur et convertantur retrorsum omnes, qui oderunt Sion.
5 Fiant sicut fœnum tectorum: * quod priusquam evellatur exaruit:
6 De quo non implevit manum suam qui metit: * et sinum suum qui manipulos colligit.
7 Et non dixerunt qui præteribant: Benedictio Domini super vos: * benediximus vobis in nomine Domini.
Psalm 129. De profundis
Prayer of a sinner trusting in the mercies of God.
De profundis clamavi ad te, Domine: * Domine, exaudi vocem meam:
2 Fiant aures tuæ intendentes: * in vocem deprecationis meæ.
3 Si iniquitates observaveris, Domine: * Domine, quis sustinebit?
4 Quia apud te propitiatio est: * et propter legem tuam sustinui te, Domine.
5 Sustinuit anima mea in verbo ejus: * speravit anima mea in Domino.
6 A custodia matutina usque ad noctem: * speret Israel in Domino.
7 Quia apud Dominum misericordia: * et copiosa apud eum redemptio.
8 Et ipse redimet Israel: * ex omnibus iniquitatibus ejus.
Psalm 130. Domine, non est exaltatum
A psalm of childlike resignation to God’s will.
Domine, non est exaltatum cor meum: * neque elati sunt oculi mei.
2 Neque ambulavi in magnis: * neque in mirabilibus super me.
3 Si non humiliter sentiebam: * sed exaltavi animam meam.
4 Sicut ablactatus est super matre sua: * ita retributio in anima mea.
5 Speret Israel in Domino: * ex hoc nunc et usque in sæculum.
Hymnus
Memento, rerum Conditor,
Nostri quod olim corporis,
Sacrata ab alvo Virginis
Nascendo, formam sumpseris.Maria, Mater gratiæ,
Dulcis Parens cleméntiæ
Tu nos ab hoste protégé
Et mortis hora súscipeJesu, tibi sit gloria,
Qui natus es de Virgine,
Cum Patre et almo Spiritu,
In sempiterna sæcula. Amen.
Capítulum Isa. 7, 14—15.
Ecce Virgo concípiet, et páriet Fílium, et vocábitur nomen ejus Emmánuel. Bútyrum et mel cómedet, ut sciat reprobáre malum, et elígere bonum.
R. Deo gratias.
V. Angelus Dómini nuntiávit Maríæ.
R. Et concépit de Spíritu Sancto.
Ad Nunc dimittis Ant: Spíritus Sanctus.
Canticum Simeonis Luc. 2, 29-32.
Nunc dimittis † servum tuum, Dómine, * secundum verbum tuum in pace:
2 Quia vidérunt óculi mei * salutáre tuum,
3 Quod parásti * ante fáciem ómnium populórum,
4 Lumen ad revelatiónem Géntium, * et glóriam plebis tuæ Israel.
Glória Patri.
Ad Nunc dimittis Ant: Spíritus Sanctus in te descéndet, María: ne tímeas, habébis in útero Fílium Dei. Allelúia.
Kyrie eleison.
Christe eleison.
Kyrie eleison.
V. Dómine, exáudi orátionem meam.
R. Et clamor meus ad te véniat.
Oremus. Deus, qui de beatæ Mariæ Virginis utero Verbum tuum, Angelo nuntiante, carnem suscipere voluisti: præsta supplicibus tuis: ut qui vere eam Genitricem Dei credimus, ejus apud te intercessionibus adjuvemur. Per eumdem Dominum.
R. Amen.
V. Dómine, exáudi oratiónem meam.
R. Et clamor meus ad te véniat.
V. Benedicámus Dómino.
R. Deo grátias.
Benedictio
Benedicat et custódiat nos omnípotens et miséricors Dóminus, Pater, et Fílius, et Spíritus Sanctus.
R. Amen.
