Ave Maria, secretly.

V. Deus, † in adjutórium meum inténde.
R. Dómine, ad adjuvándum me festína.
V. Glória Patri, et Fílio, et Spirítui Sancto.
R. Sicut erat in princípio, et nunc, et semper, et in sæcula sæculórum. Alleluia.

Thus is said Alleluja at all the Hours through the entire year, except from Compline of Saturday before Septuagesima; for then is said: Laus tibi Domine, Rex æternæ gloriæ.

Ant. Dum esset Rex.

Psalm 109. Dixit Dominus
The Messiah, King and Priest, victorious over His enemies.

Dixit Dóminus Dómino meo: * Sede a dextris meis:
2 Donec ponam inimícos tuos, * scabéllum pedum tuórum.
3 Virgam virtútis tuæ emíttet Dóminus ex Sion: * domináre in médio inimicórum tuórum.
4 Tecum princípium in die virtútis tuæ, in splendóribus sanctórum: * ex útero ante lucíferum génui te.
5 Jurávit Dóminus, et non pœnitébit eum: * Tu es sacérdos in ætérnum secúndum órdinem Melchísedech.
6 Dóminus a dextris tuis, * confrégit in die iræ suæ reges.
7 Judicábit in natiónibus, implébit ruínas: * conquassábit cápita in terra multórum.
8 De torrénte in via bibet: * proptérea exaltábit caput.
Glória Patri.
Ant. Dum esset Rex in accubitu suo, nardus mea dedit odorem suavitatis.

Ant. Læva ejus.

Psalm 112. Laudate, pueri
Glory to God, so infinitely great and so admirably condescending.

Laudáte, púeri, Dóminum: * laudáte nomen Dómini.
2 (fit reverentia) Sit nomen Dómini benedíctum, * ex hoc nunc, et usque in sæculum.
3 A solis ortu usque ad occásum, * laudábile nomen Dómini.
4 Excélsus super omnes gentes Dóminus, * et super cælos glória ejus.
5 Quis sicut Dóminus, Deus noster, qui in altis hábitat, * et humília réspicit in cælo et in terra?
6 Súscitans a terra inopem, * et de stércore érigens páuperem:
7 Ut cóllocet eum cum princípibus, * cum princípibus pópuli sui.
8 Qui habitáre facit stérilem in domo, * matrem filiórum lætántem.
Glória Patri.
Ant. Læva ejus sub capite meo, et dextera illius amplexabitur me.

Ant. Nigra sum.

Psalm 121. Lætatus sum
Song of the pilgrims in honor of Jerusalem.

Lætatus sum in his, quæ dicta sunt mihi: * In domum Domini ibimus.
2 Stantes erant pedes nostri, * in átriis tuis, Jerúsalem.
3 Jerúsalem, quæ ædificátur ut cívitas: * cujus participátio ejus in idípsum.
4 Illuc enim ascendérunt tribus, tribus Dómini: * testimónium Israel ad confiténdum nómini Dómini.
5 Quia illic sedérunt sedes in judício, * sedes super domum David.
6 Rogáte quæ ad pacem sunt Jerúsalem: * et abundántia diligéntibus te:
7 Fiat pax in virtúte tua: * et abundántia in túrribus tuis.
8 Propter fratres meos, et próximos meos, * loquébar pacem de te:
9 Propter domum Dómini, Dei nostri, * quæsívi bona tibi.
Glória Patri.
Ant. Nigra sum, sed formosa, filiæ Jerusalem; ideo dilexit me Rex, et introduxit me in cubiculum suum.

Ant. Jam hiems transit.

Psalm 126. Nisi Dominus
Man can do nothing without God’s help.

Nisi Dominus ædificaverit domum, * in vanum laboraverunt qui ædificant eam.
2 Nisi Dominus custodierit civitatem, * frustra vigilat qui custodit eam.
3 Vanum est vobis ante lucem surgere: * surgite postquam sederitis, qui manducatis panem doloris.
4 Cum dederit dilectis suis somnum: * ecce hereditas Domini filii: merces, fructus ventris.
5 Sicut sagittæ in manu potentis: * ita filii excussorum.
6 Beatus vir qui implevit desiderium suum ex ipsis: * non confundetur cum loquetur inimicis suis in porta.
Glória Patri.
Ant. Jam hiems transiit, imber abiit et recessit: surge, amica mea, et veni.

Ant. Speciosa.

Psalm 147. Lauda, Jerusalem
Thanksgiving for the restoration of Jerusalem.

Lauda, Jerusalem, Dominum: * lauda Deum tuum, Sion.
2 Quoniam confortavit seras portarum tuarum: * benedixit filiis tuis in te.
3 Qui posuit fines tuos pacem: * et adipe frumenti satiat te.
4 Qui emittit eloquium suum terræ: * velociter currit sermo ejus.
5 Qui dat nivem sicut lanam: * nebulam sicut cinerem spargit.
6 Mittit crystallum suum sicut buccellas: * ante faciem frigoris ejus quis sustinebit?
7 Emittet verbum suum, et liquefaciet ea: * flabit spiritus ejus, et fluent aquæ.
8 Qui annuntiat verbum suum Jacob: * justitias, et judicia sua Israel.
9 Non fecit taliter omni nationi: * et judicia sua non manifestavit eis.
Glória Patri.
Ant. Speciosa facta es et suavis in deliciis tuis, sancta Dei Genitrix.

Capitulum Eccli. 24, 14.
Ab initio et ante sæcula creata sum, et usque ad futurum sæculum non desinam, et in habitatione sancta coram ipso ministravi.
R. Deo gratias.

The first stanza of the following Hymn is said kneeling.

Hymnus

Ave, maris stella,
Dei Mater alma,
Atque semper Virgo,
Felix cæli porta.

Sumens illud Ave
Gabrielis ore,
Funda nos in pace,
Mutans Hevæ nomen.

Solve vincla reis,
Profer lumen cæcis,
Mala nostra pelle,
Bona cuncta posce.

Monstra te esse matrem,
Sumat per te preces,
Qui pro nobis natus
Tulit esse tuus.

Virgo singularis,
Inter omnes mitis,
Nos, culpis solutos,
Mites fac et castos.

Vitam præsta puram,
Iter para tutum,
Ut, videntes Jesum,
Semper collætemur.

Sit laus Deo Patri,
Summo Christo decus,
Spiritui Sancto,
Tribus honor unus. Amen.

V. Diffusa est gratia in labiis tuis.
R. Propterea benedixit te Deus in æternum.

Ad Magnif. Ant. Beata Mater.

Canticum Beatæ Mariæ Virginis Luc. 1, 46-55

Magnificat † : * anima mea Dominum.
47 Et exsultavit spiritus meus: * in Deo, salutari meo.
48 Quia respexit humilitatem ancillæ suæ: * ecce enim ex hoc beatam me dicent omnes generationes.
49 Quia fecit mihi magna, qui potens est: * et sanctum nomen ejus.
50 Et misericordia ejus, a progenie in progenies: * timentibus eum.
51 Fecit potentiam in brachio suo: * dispersit superbos mente cordis sui.
52 Deposuit potentes de sede: * et exaltavit humiles.
53 Esurientes implevit bonis: * et divites dimisit inanes.
54 Suscepit Israel puerum suum: * recordatus misericordiæ suæ.
55 Sicut locutus est ad patres nostros: * Abraham, et semini ejus in sæcula.

Glória Patri.

Ad Magnif. Ant. Beata Mater et intacta Virgo, gloriosa Regina mundi, intercede pro nobis ad Dominum.

Kyrie eleison.
Christe eleison.
Kyrie eleison.
V. Dómine, exáudi orátionem meam.
R. Et clamor meus ad te véniat.

Oremus. Concede nos famulos tuos, quæsumus, Domine Deus, perpetua mentis et corporis sanitate gaudere: et gloriosa beatæ Mariæ semper Virginis intercessione, a præsenti liberari tristitia, et æterna perfrui lætitia. Per Dominum.

Commemoration of St. Joseph, or other Patron Saint.

Commemoration of the Saints:
Ant. Sancti Dei omnes, intercédere dignemini pro nostra omniumque salute.
V. Lætamini in Domino et exsultate, justi.
R. Et gloriamini, omnes recti corde.

Oremus. Protege, Domine, populum tuum; et Apostolorum tuorum Petri et Pauli patrocinio confidentem, perpetua defensione conserva.

Omnes Sancti tui, quæsumus, Dómine, nos ubique ád-juvent: ut, dum eórum mérita recólimus, patrocinia sentiámus: et pacem tuam nostris concéde tempóribus, et ab Ecclésia tua cunctam repélle nequitiam; iter, actus et voluntátes nostras, et omnium famulórum tuórum, in salutis tuæ prosperitate dispone, benefactóribus nostris sempitérna bona retribue, et ómnibus fidélibus defúnctis réquiem ætérnam concede. Per Dóminum nostrum Jesum Christum Fílium tuum, qui tecum vivit et regnat in unitáte Spíritus sancti, Deus, per ómnia sæcula sæculórum. R. Amen.

V. Dómine, exáudi oratiónem meam.
R. Et clamor meus ad te véniat.
V. Benedicámus Dómino.
R. Deo grátias.
V. Fidélium ánimæ per misericórdiam Dei requiéscant in pace.
R. Amen.